Kristinn endurráðinn

Kristinn Einarsson hefur verið endurráðinn þjálfari meistaraflokks kvenna í körfubolta hjá Keflavík. Á síðustu leiktíð urðu Keflavíkurstúlkur bæði Íslands- og bikarmeistarar undir stjórn Kristins og ljóst að markið verður sett hátt fyrir næstu leiktíð. Töluverðar breytingar eru í vændum hjá liðinu, en Anna María Sveinsdóttir hefur ákveðið að leggja skóna á hilluna og Alda Leif Jónsdóttir heldur til Danmerkur í haust.