Kristinn, Snjólfur og Ingvi með í landsliðshóp fyrir EM

Búið er að velja lokahóp U20 landsliðs karla fyrir sumarið en framundan er eitt stærsta verkefni yngri landsliða KKÍ frá upphafi, þegar liðið fer á lokamót EM í fyrsta sinn í íslenskri körfuboltasögu.

 

KKÍ greinir frá því að strákarnir hafi æft stíft að undanförnu en þrír úr hópnum koma af Suðurnesjunum. Það eru Njarðvíkingarnir Kristinn Pálsson, sem spilar þessa dagana með Marist í Bandaríkjunum, og Snjólfur Stefánsson. Þá er Grindvíkingurinn Ingvi Þór Guðmundsson einnig með í hópnum.

 

Næsta verkefni þeirra verður U20-mót sem fram fer hér á landi 19.- 21. júní í Laugardalshöllinni. Að lokum fara þeir á EM til Krítar, en gríska sambandið bauð liðinu að taka þátt í æfingamóti fyrir EM, ásamt Spánverjum, Ítölum og Grikkjum.