KR-Keflavík: Bein textalýsing frá oddaleiknum: lokatölur 105-89 KR í vil

Nú er ljóst að Keflvíkingar eru úr leik eftir tap í kvöld. Lokatölur urðu 105-89 og Keflvíkingar sáu í raun aldrei til sólar eftir fyrsta leikhluta. Myndbönd og viðtöl frá leiknum munu birtast innan skamms.

-Nánari umfjöllun um leikinn síðar..

-Sigur KR, 105-89 og Keflvíkingar eru úr leik

-104-86 og öll nótt úti hjá Keflavík

-Keflvíkingar eru skiljanlega pirraðir og mönnum er heitt í hamsi

-1:30 eftir og munurinn 16 stig. Keflvíkingar virðast vera á leið í sumarleyfi, því miður.

-Það liggur við slagsmálum en dómarar ná að halda leiknum niðri

-Thomas Sanders er æfur eftir að Brynjar braut á honum

-KR-ingar byrjaðir að kyrja sigursöngva þegar rúmar 2 mínútur eru til leiksloka, 96-80 fyrir KR.

-94-74 fyrir KR þegar 4 mínútur eru eftir, það þarf kraftaverk til að Keflvíkingar komist inn í leikinn

-Munurinn 12 stig og 5 mínútur eftir, enn er von hjá Keflvíkingum

-Staðan 90-74 þegar 6 mínútur eru til leiksloka

-Keflvíkingar eiga í mestu vandræðum með Brynjar Björns, hann er kominn með 31 stig

-Jón Norðdal Hafsteinsson klúðrar tveimur vítum og KR skorar á hinum endanum. Staðan 85-66 fyrir KR

-81-66 fyrir KR og stemningin er öll þeirra megin

-Munurinn er kominn niður í 13 stig, enn er von

-70-52 fyrir KR og Keflvíkingar alls ekki líklegir til afreka á þessari stundu

-Sanders og Ciric eru með 34 af 48 stigum Keflavíkur, aðrir verða að stíga upp ef þetta á að hafast

-Munurinn hefur náð 20 stigum og útlitið að dekkjast hjá Keflvíkingum. 68-48.

-Nú verða Keflvíkingar að fara í gang

-65-46 fyrir KR og Keflvíkingar taka leikhlé þegar rúmar 3 mínútur eru liðnar af þriðja leikhluta

-KR komið 17 stigum yfir eftir mínútu leik, 59-42.

-Marcus Walker skorar fyrstu körfuna í seinni hálfleik en hann er kominn með 17 stig og hefur reynst Suðurnesjamönnum erfiður

-Seinni hálfleikur er að hefjast og 13 stig skilja liðin að, nú verða Keflvíkingar að spýta í lófana ef ekki á illa að fara

-Hálfleikstölur 55-42 KR-ingum í vil eftir að þeir sigruðu annan leikhluta með 20 stiga mun, 32-12.

-55-42 fyrir KR og ekkert ratar ofan í hjá Keflvíkingum

-Guðjón Skúlason verður allt annað en rólegur þegar gegnið verður til búningklefa innan skamms, það tel ég öruggt.

-Þvílíkur viðsnúningur hjá KR! Þeir eru komnir 8 stigum yfir, 50-42 og hafa sallað 30 stigum á Keflavík í leikhlutanum

-48-42 fyrir KR þegar rúm mínúta er til leikhlés

-KR hefur verið betri aðilinn í öðrum leikhluta og skorað 18 stig gegn 9 hjá Keflavík, þó eru 3 mínútur eftir og allt getur gerst

-KR-ingar komnir yfir þegar 4 mínútur eru til hálfleiks 41-39 en þeir hafa verið beittir síðustu mínútur meðan Keflvíkingar eiga í vandræðum í sóknarleiknum

-Rétt innan við 5 mínútur til leikhlés og staðan er 39-39

-Jafnt 33-33 og Brynjar Björnsson er að hitna hjá KR

-Annar leikhluti rúllar af stað og Magnús Gunnarsson byrjar með þriggjastigakörfu, munurinn orðinn 8 stig, 25-33 Keflvíkingum í vil

-Fyrsta leikhluta er lokið og Keflvíkingar eru yfir 23-30 og Thomas Sanders er að fara á kostum

-Hann setur svo tvö víti niður og er kominn með 16 stig kappinn - Staðan 23-30

-Sanders með þrist, 23-28 fyrir Keflavík

-Brynjar Björnsson er þegar kominn með 10 stig hjá KR

-Magnús Gunnarsson kemur inn á fyrir Keflavík í fyrsta sinn í kvöld

-Thomas Sanders og Andrija Ciric byrja vel í kvöld. Sanders með 11 stig og Ciric með 7 þegar staðan er 21-25 og KR tekur leikhlé

-Hörður Axel svarar af bragði með þrist, 17-20 Keflavík

-3:16 eftir og KR jafnar með þrist frá Skarphéðni Ingasyni, 17-17

-Nokkur skot fara forgörðum en staðan er 14-15 þegar nákvæmlega 4 mínútur eru eftir að fyrsta leikhluta

-Allt í járnum í leiknum, rúmar 5 mínútur eftir að fyrsta leikhluta og staðan er 12-13 fyrir Keflavík. Leikhlé í augnablikinu

-Rúmar 3 mínútur liðnar og staðan 6-10 fyrir Keflavík, þeir eru duglegir við að koma sér á vítalínuna í augnablikinu

-Ein og hálf mínúta liðin og staðan er 4-6 Keflvíkingum í vil, Sanders er komin með 4 stig

-Jæja góðir hálsar, þá er þetta hafið og Keflvíkingar skora fyrstu stigin, það gerið Sigurður Þorsteinsson af vítalínunni