KR kafsigldar

KR-stúlkur mættu svo sannarlega ofjarli sínum þegar Keflavíkurstúlkur tóku þær í kennslustund í Iceland Express deild kvenna á miðvikudag, 93 – 39.

Keflvíkingar byrjuðu leikinn ekki vel og var staðan í hálfleik 42-23, en tóku á sig rögg í seinni hálfleik. Hann unnu þær 51-16 þar sem þétt vörn var í aðalhlutverki auk þess sem augljóst er að mikill munur er á liðunum.

Sverrir Þór Sverrisson, þjálfari Keflavíkur sagði í samtali við Víkurfréttir að hann hefði verið ánægður með seinni hálfleikinn. „Við vorum ekki að spila nógu vel í upphafi en tókum okkur á.“

Sverrir bætti því við að Lakiste Barkus, hinn nýji bandaríski leikmaður þeirra, væri að aðlagast vel og liðið væri á réttri leið.