Körfuboltatímabilinu slitið - Engir Íslandsmeistarar krýndir

Niðurstaða stjórnar Körfuknattleikssambands Íslands miðað við það ástand sem við blasir er sú að ekki verður keppt frekar á keppnistímabilinu 2019/2020. Einnig samþykkti stjórn KKÍ eftirfarandi á fundi sínum, miðvikudaginn 18. mars 2020:

1. Enginn Íslandsmeistari verður krýndur tímabilið 2019/2020.
   
   
2. Sú niðurstaða sem deildarkeppni Domino’s deilda og 1. deilda hefur þegar gefið okkur ræður.
   i. Fjölnir fellur niður í 1. deild karla.
   ii. Valur er deildarmeistari Domino’s deildar kvenna og Fjölnir deildarmeistari 1. deildar kvenna.
   
3. Núverandi stöðutafla er lokastaða Domino’s deilda og 1. deilda tímabilið 2019/2020. Það þýðir að,
1. Stjarnan er deildarmeistari Domino’s deildar karla.
   
2. Höttur er deildarmeistari 1. deildar karla og vinnur sér sæti í Domino’s
   deildinni tímabilið 2020/2021. Engin frekari breyting verður á Domino’s
   deild karla.
   
   
3. Grindavík fellur úr Domino’s deild kvenna. Fjölnir er deildarmeistari 1. deildar
   kvenna og vinnur sér sæti í Domino’s deildinni tímabilið 2020/2021. Engin frekari breyting verður á Domino’s deild kvenna.
   

Vegna þeirra aðstæðna sem uppi eru og hafa stuðlað að ótímabærum lokum keppnistímabilsins 2019/2020 má ljóst vera að mörg félög muni lenda í fjárhagsvanda vegna talsverðs tekjumissis. Það sama mun gilda um fjárhag KKÍ. Það verður verðugt verkefni allra hlutaðeigandi að takast á við þann vanda.