KOMINN TÍMI TIL AÐ LUKKUHJÓLIÐ SNÚIST OKKUR Í HAG

„Landssímadeildin hefur verið mjög jöfn í ár. Sigri lið í tveimur leikjum í röð er það komið hóp efstu liða en tapi það tveimur er það í botnbaráttunni. Við Grindvíkingar höfum tapað alltof mörgum stigum á slakri dómgæslu í sumar, sérstaklega í vítateignum, og kominn tími til að lukkuhjólið snúist okkur í hag. Ég hef mikla trú á Íslendingum og neita að trúa því að við Júgóslavarnir njótum ekki sannmælis hjá dómurunum vegna þjóðernisins eins verið hefur í umræðunni að undanförnu. Sjálfur hef ég leikið miklu betur í ár en í fyrra. Á síðasta tímabili lék ég í fremstu víglínu en í vor færði Jancovic þjálfari mig á miðjuna. Þar fæ ég fleiri snertingar við boltann sem mér líkar vel og þarf ég bara að læra að skila boltanum hraðar til samherjanna. Leikurinn gegn Fram í kvöld leggst vel í mig. Þeir leika sömu leikaðferð og við trúi ég því að nú fari hlutirnir að breytast“ sagði Sinisa Kekic, Grindvíkingur.