Knattspyrnuskóli Rafholts og Njarðvíkur

Í sumar verður starfræktur knattspyrnuskóli á vegum Knattspyrnudeildar Njarðvíkur og Rafholts. Meginmarkmið skólans er að skapa börnum möguleika á að læra undirstöðuatriði í fótbolta á leikrænan og skemmtilegan hátt. Stefnt er að því að allir fái verkefni við hæfi. Aðaláherslan er lögð á grunntækni í knattspyrnu. Æfingarnar koma ekki í stað æfinga 4., 5. og 6. flokks, heldur eru þau viðbót fyrir þá sem hafa mikinn áhuga á knattspyrnu og vilja bæta við sig æfingum til viðbótar þeim sem fram fara í hverjum flokki. Á meðal þjálfara á námskeiðinu verður enginn annar en Bjarni Jóhannsson, aðstoðarþjálfari hjá karlalandsliði Íslands.

 

Aldur: 9-14 ára (fædd 1993-98)

 

Jafnt fyrir byrjendur sem lengra komna, stráka og stelpur.

Lengd: 6 dagar (mán.-fim. og mán.-þri.).

Dagsetning: 23. júlí – 31. júlí

Tími: Kl. 12:30 – 14:00

Verð: 5.000 kr.

 

Þjálfarar:

Bjarni Jóhannsson, aðstoðarlandsliðsþjálfari Íslenska karlaliðsins

Rafn Markús Vilbergsson, þjálfari yngri flokka Njarðvíkur auk aðstoðarmanna.

 

Innifalið í gjaldi er peysa með Njarðvíkurmerkinu og vegleg grillveisla á lokadegi skólans. Forskráning líkur föstudaginn 29. júní. Hægt er að skrá sig með skráningarblöðum og á netfanginu [email protected]

Upplýsingar í síma 421 1160.