Knattspyrna: Keflavík – HK kl. 19:15

Í kvöld hefst 14.umferð Landsbankadeildarinnar. Keflavík tekur á móti HK á Sparisjóðsvellinum í Keflavík og hefst leikurinn kl.19:15. 

Keflavík er í 2. sæti Landsbankadeildarinnar með 27 stig en HK er í neðsta sæti með 5 stig. 

Fyrr í sumar léku liðin í 3. umferð deildarinnar á heimavelli HK-manna.  Keflavík vann þann leik 2-1 með mörkum frá Jóni Gunnari Eysteinssyni og Patrik Redo.

Tveir leikmenn HK hafa leikið fyrir Keflavík.  Gunnleifur Gunnleifsson, markmaður, árin 2000 og 2001.  Ásgrímur Albertsson hafði stutta viðdvöl í Keflavík árið 2005 en skipti aftur yfir í HK um mitt sumar.  Einnig hefur Jón Þorgrímur Stefánsson leikið fyrir bæði félögin.

Dómari leiksins verður Þorvaldur Árnason, aðstoðardómarar þeir Sigurður Óli Þórleifsson og Vilhjálmur Alvar Þórarinsson  en eftirlitsmaður KSÍ er Egill Már Markússon.