Kláruðu leikinn í fyrri hálfleik

Íslandsmeistarar Breiðabliks hófu leikinn með sterkan vind í bakið á Keflavíkurvelli í gær og nýttu sér meðbyrinn starx í upphafi leiks. Keflavíkurkonur áttu í vök að verjast en börðust hetjulega gegn sterkum Blikastúlkum sem nældu sér í þrjú stig á Keflavíkurvelli eftir 3-1 sigur.

 

Snemma leiks fengu Keflavíkurkonur dæmda á sig vítaspyrnu sem Edda Garðarsdóttir tók og kom Breiðablik í 1-0. Erna Sigurðardóttir breytti stöðunn í 2-0 á 32. mínútu og skömmu áður en flautað var til leikhlés var Gréta Mjöll Samúelsdóttir á ferðinni og kom Blikum í 3-0 og þannig stóðu leikar í hálfleik.

 

Heimakonur mættu grimmar til seinni hálfleiks og á 57. mínútu gerði Nína Ósk Kristinsdóttir eina mark Keflavíkur í leiknum og minnkaði muninn í 3-1. Þrátt fyrir nokkur ágætisfæri tókst Keflavík ekki að skora og því höfðu Blikar 3-1 sigur.

 

Næsti leikur Keflavíkurkvenna er gegn KR á KR velli þann 30. maí.

 

Staðan í deildinni

 

VF-mynd/ Jón Örvar - www.keflavik.is