Keys mikill sóknarmaður
Nýi bandaríski leikmaðurinn í liði Grindavíkur er skæður sóknarmaður. Um það efast enginn sem hefur séð tvo fyrstu leiki hans með Grindavík. Í þeim fyrri tryggði hann þeim þátttökuréttinn í úrslitakeppninni með 47 stigum, 18 fráköstum, 7 stoðsendingum og 5 stolnum boltum gegn Guðmundi Bragasyni, Marel Guðlaugssyni og öðrum Haukamönnum. Það leit þó ekki vel út fyrir heimamenn í Grindavík í upphafi leiks, hvert skotið á fætur öðrum klikkaði hjá kappa og svo virtist sem fráköstin rötuðu öll í hendurnar á fyrrum samherja þeirra Guðmundi Bragasyni. Í þriðja leikhluta áttust þeir við í skotkeppni þeir Keys og Mike Bargen útlendingur Hauka en þegar honum(Bargen) þraut skotfæri sem dugðu bætti Keys bara í og raðaði niður stigunum í 4. leikhluta.
Í öðrum leik Keys gerði hann það sem hann gat til að tryggja Njarðvíkingum deildarmeistaratitilinn og gerði 33 af 76 stigum Grindvíkinga en þurfti því miður til þess ein 37 skot, þar af 19 þriggja stiga skot. Það dugði ekki til gegn herdeild Ólafs Ormssonar úr Vesturbænum. Ólafur gerði 23 stig og tók 12 fráköst en minna bar á Njarðvíkurbananum Hermanni Haukssyni.
Í öðrum leik Keys gerði hann það sem hann gat til að tryggja Njarðvíkingum deildarmeistaratitilinn og gerði 33 af 76 stigum Grindvíkinga en þurfti því miður til þess ein 37 skot, þar af 19 þriggja stiga skot. Það dugði ekki til gegn herdeild Ólafs Ormssonar úr Vesturbænum. Ólafur gerði 23 stig og tók 12 fráköst en minna bar á Njarðvíkurbananum Hermanni Haukssyni.
