Keppt í pílukasti í Sandgerði

Suðurnesjamótið í pílukasti fer fram í samkomuhúsinu í Sandgerði um helgina. Keppt verður í einmenningi á laugardeginum og tvímenningi á sunnudeginum.
Magnús Garðarsson pílukastari og skipuleggjandi mótsins vonast eftir góðri þátttöku í mótinu. „Við erum að vona að keppendur verði um 30 talsins og allt umfram það yrði gott. Við vonumst bara til að sjá sem flesta,“ sagði Magnús í samtali við Víkurfréttir.
Skráningu í mótið lýkur klukkan 12 á laugardag og keppni hefst klukkan 13 báða dagana.