Keflvíkingar unnu Skagamenn
Keflavík tryggði sér toppsætið í riðli tvö í Lengjubikarnum í knattspyrnu með 2-1 sigri á Skagamönnum í Reykjaneshöllinni í gær.
Skagamenn komust yfir í upphafi leiks en í síðari hálfleik náðu þeir Guðmundur Steinarsson og Magnús Sverrir Þorsteinsson að setja tvö mörk fyrir Keflvíkinga og tryggja þeim sigur. Keflvíkingar byrjuðu seinni hálfleik með látum og á 48. mín skoraði Guðmundur Steinarsson glæsilegt mark með skoti utan vítateigs í bláhornið niðri. Á 60. mín kom svo annað stórglæsilegt mark þegar Magnús Sverrir Þorsteinsson skoraði eftir sendingu frá Sigurberg Elíssyni. Keflavík var mun sterkari aðilinn í þessum leik og verðskuldaði sigur.
Keflvíkingar unnu sex af sjö leikjum sínum og enda á toppnum með 18 stig en Skagamenn enda í öðru sæti riðilsins með 16 stig.
Keflavík: Ómar Jóhannsson, Jóhann R Benediktsson, Haraldur Freyr Guðmundsson fyrirliði, Gregor Mohar, Grétar Atli Grétarsson, Jóhann Birnir Guðmundsson, Einar Orri Einarsson, Arnór Ingvi Traustason, Frans Elvarsson, Magnús Sverrir Þorsteinsson og Guðmundur Steinarsson.
