Keflvíkingar tóku þátt í heimsmetstilraun

Í hálfleik í leik Fylkis og Keflavíkur sem fram fór í gær var yngriflokkum félagana gefinn kostur á því að setja nýtt heimsmet í fjölda markskota á mark á sama tíma. Voru krakkar úr 5. flokki stráka og stelpna sem tóku þátt fyrir hönd Keflavíkur. Þetta var einnig gert á hinum völlum Símadeildarinnar í gærkveldi, þar á meðal í Grindavík. Allir vellirnir voru í símasambandi og svo var maður sem taldi niður í gegnum hátalarakerfi vallarins. Allt tókst þetta mjög vel og voru hundruðum bolta sparkað á sama tíma. Þess má þó geta að nú á bara eftir að staðfesta að um heimsmet sé að ræða og hver veit nema að Keflvíkingar og Grindvíkingar eignist heimsmethafa í heimsmetabók Guinness von bráðar.