Keflvíkingar áttu ekki í vandræðum með Þórsara

Keflvíkingar lögðu Þórsara 114-97 á heimavelli sínum, þegar liðin mættust í úrvalsdeild karla í körfubolta í gær. Sigur Keflvíkinga var aldrei í eiginlegri hættu, en í þriðja leikhluta náðu þeir á tímabili 35 stiga forystu. Damon Johnson er að komast aftur í form eftir meiðsli, en hann skoraði 24 stig í leiknum í gær. Davon Usher bætti svo við 21 stigi fyrir Keflvíkinga sem dreifðu stigaskorinu bróðurlega á milli sín. Með sigrinum komust Keflvíkingar upp fyrir granna sinn úr Njarðvík og sitja nú í þriðja sæti deildarinnar, en þó hafa liðin jafnmörg stig.

Keflavík-Þór Þ.

Keflavík: Damon Johnson 24/8 fráköst, Davon Usher 21/12 fráköst, Valur Orri Valsson 19/5 stoðsendingar, Guðmundur Jónsson 16/4 fráköst, Arnar Freyr Jónsson 11/5 stolnir, Gunnar Einarsson 9, Þröstur Leó Jóhannsson 9, Reggie Dupree 3, Davíð Páll Hermannsson 2, Jens Valgeir Óskarsson 0, Eysteinn Bjarni Ævarsson 0, Andrés Kristleifsson 0.