Keflvíkingar aldrei unnið bikar- og Íslandsmeistaratitil án Guðjóns Skúlasonar og Önnu Maríu Sveinsdóttur

Keflavík hefur hvorki unnið Íslandsmeistaratitil né bikarmeistaratitil í körfubolta án Guðjóns Skúlasonar og Önnu Maríu Sveinsdóttur. Þetta kemur fram í upplýsingum frá KKÍ. Bæði leika þau með liðum sínum á morgun í úrslitum bikarsins í Laugardalshöll. Anna María leikur sinn 12. bikarúrslitaleik á morgun og Guðjón Skúlason 7. leik sinn. Hér fyrir neðan má sjá ýmsa fróðleiksmola um bikarúrslit KKÍ. Anna María Sveinsdóttir, spilandi þjálfari Keflavíkur, leikur í kvöld sinn 12. bikarúrslitaleik en engin leikmaður hefur orðið oftar meistari, leikið fleiri leiki eða skoraði fleiri stig í bikarúrslitum kvenna.

Keflavík og Snæfell hafa einu sinni mæst í bikarúrslitaleik (1993) og er það jafnframt í eina skiptið sem Snæfell hefur leikið til úrslita. Keflavík sigraði næsta örugglega með 115 stigum gegn 76. Þá var Ívar Ásgrímsson, núverandi þjálfari kvennaliðs ÍS, þjálfari og leikmaður með Snæfelli.

Keflavík og Snæfell hafa mæst einu sinni í Intersportdeildinni í vetur og sigraði Keflavík í Stykkishólmi með 97 stigum gegn 95.

Fjórir leikmenn Keflavíkur hafa leikið bikarúrslitaleik. Damon Johnon (1997 og 1999, Falur Harðarson (1990, 1991, 1997 og 1999), Guðjón Skúlason (1990, 1993, 1994, 1995 og 1997) og Gunnar Einarsson (1997 og 1999). Enginn leikmanna Snæfells hefur tekið þátt í bikarúrslitaleik.

Sigurður Ingimundarson þjálfari Keflavíkur hefur leikið fjóra bikarúrslitaleiki (1990, 1991, 1993 og 1994) og stýrt liði 4 sinnum til sigurs í bikarkeppninni sem þjálfari (3 kvennatitlar og 1 karlatitill). Bárður Eyþórsson þjálfari Snæfells hefur leikið í tveim bikarúrslitaleikjum (1987 og 1993), í hvorugt skipti sigrað og aldrei stýrt liði í bikarúrslitaleik áður sem þjálfari.

Keflvíkingar hafa unnið 3 bikarmeistaratitla, árin 1993, 1994 og 1997. Liðið hefur alls komist 6 sinnum í bikarúrslitaleikinn. Fyrsti sigurinn kom fyrir 10 árum er liðið lagði einmitt Snæfell í úrslitaleik. Það er í eina skiptið sem Snæfell hefur komist í úrslitaleikinn.

Félag utan Stór Reykjavíkursvæðið og Reykjanesið hefur aldrei orðið bikarmeistari.

Keflavík hefur hvorki orðið Íslands né bikarmeistari í meistaraflokki karla án þess að Guðjón Skúlason hafi verið í liðinu.

BIKARMOLAR

Karlalið Keflavíkur er að leika 8. bikarúrslitaleik sinn á laugardaginn en kvennaliðið 14. leik sinn.

Þorsteinn Bjarnason skoraði fyrsta stig Keflvíkinga í úrslitaleik. Kristín Sigurðardóttir skoraði hins vegar fyrstu stigin fyrir kvennaliðið í úrslitaleik.

Guðjón Skúlason hefur skorað flest stig í úrslitaleikjum fyrir karlalið Keflavíkur, samtals 85 stig en Anna María Sveinsdóttir hefur skorað flest stig kvennaliðsins, samtals 181.

Damon Johnson hefur skorað flest stig að meðaltali í bikarúrslitum, eða 35 stig í leik.

Brooke Schwartz hefur skorað flest stig í úrslitaleik fyrir kvennaliðið, eða 30 stig.

Keflvíkingar mættu Snæfell einnig í bikarúrslitum fyrir 10 árum síðar og er sigur liðsins stærsti sigur í bikarúrslitaleik frá upphafi.

Keflavík og ÍS eru að mætast í þriðja skipti í bikarúrslitaleik kvenna.

Keflavíkurstúlkur hafa notað 47 leikmenn í þeim 13 úrslitaleikjum sem liðið hefur spilað en 41 leikmaður hefur spilað fyrir karlaliðið.

Sigurður Ingimundarson og Guðjón Skúlason eru einu leikmennirnir sem eftir eru í liðinu sem lék gegn Snæfell fyrir 10 árum. Þá var Sigurður leikmaður.

Anna María og Kristín Blöndal léku fyrsta bikarúrslitaleik Keflavíkurstúlkna árið 1987 en þær eru enn að.


Karlar
Falur Harðarson er með 17,4 stig að meðaltali í úrslitaleik bikarsins.

Jón Norðdal Hafsteinsson er að leika annan bikarúrslitaleik sinn en hann var í liðinu þegar Keflavík tapaði fyrir Njarðvík 1999.

Guðjón Skúlason hefur leikið flesta úrslitaleiki fyrir Keflavíkurliðið eða samtals 6 talsins.

Gunnar Einarsson hefur leikið tvo bikarúrslitaleiki fyrir Keflavík.

Edmund Saunders er sjöundi erlendi leikmaðurinn sem Keflavík notar í úrslitaleik bikarsins.

Sverrir Þór Sverrisson, Davíð Þór Jónsson, Gunnar Stefánsson og Magnús Gunnarsson eru allir nýliðar í úrslitaleik.

Konur
Birna Valgarðsdóttir hefur skoraði 9,6 stig að meðaltali í úrslitaleik bikarsins

Marín Rós hefur leikið fjóra bikarúrslitaleiki fyrir Keflavík

Erla Þorsteinsdóttir hefur skorað samtals 45 stig í úrslitaleik

Anna María Sveinsdóttir hefur leikið flesta bikarúrslitaleiki fyrir Keflavík, eða samtals 11 leiki. Kristín Blöndal hefur leikið 8.,