Keflavíkurstúlkur ósigraðar í jólafrí

Keflvíkingar áttu ekki í neinum vandræðum með botnlið KR þegar liðin áttust við í 1.deild kvenna í gær. Lokatölur í DHL-höllinni voru 59-106 eftir að meistararnir höfðu ráðið ferðinni allan leikinn.

Keflavíkurstúlkur voru komnar með 17 stiga forskot, 12-29 eftir fyrsta leikhluta og bættu stöðugt í allt til loka.

Reshea Bristol átti enn einn stórleikinn og var með 26 stig og 10 stoðsendingar, en hin síunga Anna María Sveinsdóttir var með 19 stig, 13 fráköst og 8 stolna bolta. Ungu stelpurnar Bryndís Guðmundsdóttir og María Ben Erlingsdóttir voru einnig öflugar með 16 og 18 stig og 9 fráköst hvor auk þess sem þær nýttu öll skot sín í leiknum