Keflavík vinnur Grindavík og Njarðvík vann Hamar

Heil umferð fór fram í úrvalsdeildinni í körfuknattleik í gærkvöldi. Þrjú efstu lið deildarinnar unnu leiki sína í kvöld og það stefnir í einvígi þeirra á milli um deildarmeistaratitilinn þegar 7 umferðir eru eftir af 22.Keflvíkingar unnu Grindvíkinga 95-92 í leik þar sem liðin skiptust á um að hafa forystuna. Njarðvík vann auðveldan sigur á Hamri í Hveragerði, 65-95 en þetta er fyrsta tap Hamars á heimavelli í vetur. Njarðvíkingar halda því toppsæti
deildarinnar með 24 stig. Tindastóll var ekki í vandræðum með að leggja ÍR-inga í Seljaskóla, 81-96 og eru ásamt Keflvíkingum í 2.-3. sæti deildarinnar með 22 stig. Þá hafði KR betur í tvíframlengdum leik gegn Þór á Akureyri, 104-114 eftir að
staðan eftir venjulegan leiktíma hafði verið 82-82 og 91-91 eftir fyrstu framlengingu.

Úrslit leikja í 15. umferð:

Keflavík-Grindavík 95-92 (57-56) (Calvin Davis 37 (17 frák.), Guðjón Skúlason 18 - Kevin Daley 31 (12 frák., 6 stolnir), Páll Axel Vilbergsson 19).
Hamar-Njarðvík 65-95 (35-38) (Pétur Ingvarsson 18, Skarphéðinn Ingason 14 - Logi Gunnarsson 23, Brenton Birmingham 23, Jes Hansen 23).
ÍR-Tindastóll 81-96 (36-46) (Eiríkur Önundarson 22, Sigurður Þorvaldsson 16 (15 fráköst, 5 varin skot) - Shawn Myers 24 (22 fráköst, 7 stoðsendingar), Svavar Birgisson 16, Adonis Pomonis 13).
Skallagrímur-Haukar 75-74 (42-33) (Warren Peebles 27, Sigmar Egilsson 15 - Mike Bargen 26 (11 frák., 5 varin skot), Guðmundur Bragason 13, Bragi Magnússon 13).
KFÍ-Valur 78-82 (36-43)(Dwayne Fontana 44 (14 fráköst), Sveinn Blöndal 14 - Herbert Arnarson 29, Brian Hill 19).
Þór Ak.-KR 104-114 (37-46)(82-82)(91-91) (Maurice Spillers 38 (19 frák., 7 stoðs.), Óðinn Ásgeirsson 18, Sigurður Sigurðsson 17 - Ólafur Jón Ormsson 37, Keith Vassel 27, Jón Arnór Stefánsson 22).