Keflavík vann fyrsta leikinn
Keflavík vann spennuþrunginn sigur á nýliðum KR í fyrsta einvígi liðanna í úrslitum Iceland Express deildar kvenna í körfuknattleik í dag. Lokatölur voru 82-81 Keflavík í vil en KR-ingar áttu síðustu sóknina en þeim misfórst að stela sigrinum í Toyotahöllinni.
Staðan er því 1-0 í einvígi liðanna en það lið sem fyrr vinnur þrjá leiki verður Íslandsmeistari. Næsti leikur liðanna er á þriðjudag í DHL-Höllinni í Vesturbænum.
TaKesha Watson var valin besti maður leiksins en hún gerði 21 stig í dag. Þær Candace Futrell og Hildur Sigurðardóttir gerðu báðar 29 stig fyrir KR.
Nánar um leikinn síðar...
Nú á eftir kl. 19:15 hefjast leikir Þórs og Keflavíkur og svo Skallagríms og Grindavíkur í úrslitakeppni karla en liðin eru að leika sína aðra leiki. Með sigrum í kvöld geta bæði Keflavík og Grindavík komist áfram í undanúrslit.
VF-Mynd/ [email protected] – TaKesha Watson átt ljómandi góðan dag með Keflavíkurliðinu.
