Keflavík úr leik í Mjólkurbikar karla
Breiðablik - Keflavík 3:2
Baráttuglaðir Keflvíkingar réðu ekki við Blikana
Keflvíkingar mættu Breiðabliki, einu besta liði landsins, í Mjólkurbikar karla í gærkvöldi. Blikar komust yfir í fyrri hálfleik en Rúnar Þór Sigurgeirsson jafnaði leikinn á 50. mínútu. Kian Williams kom Keflvíkingum yfir rúmu korteri síðar (66'). Góður leikur Keflvíkinga dugði þó ekki til því á 81. og 86. mínútu skoraði Blikinn Kristinn Steindórsson í tvígang og sló þar með Keflavík út úr bikarnum þetta árið.
Mynd: Kian Williams í leik með Keflavík gegn Aftureldingu fyrir viku síðan. Hann skoraði og kom Keflvíkingum yfir en það dugði ekki. VF-mynd: Hilmar Bragi
