Keflavík tapar í Ásgarði

Keflavík mætti Stjörnunni í Domino´s deild kvenna í körfu í kvöld. Leikurinn endaði með sigri Stjörnunnar og voru lokatölur leiksins 81-63. Lið Keflavíkur hefur því tapað tveimur leikjum í röð í Domino´s deild kvenna.

Sverrir Þór Sverrisson sagði í samtali á dögunum við Víkurfréttir að Domino´s deild kvenna sé mjög sterk í ár og að liðið muni leggja hart að sér til þess að eiga möguleika á toppbáráttu í vetur.

Stigahæstar í liði Keflavíkur voru Birna Valgerður Benónýsdóttir með 18 stig, 4 fráköst og 4 varin skot, Brittanny Dinkins var með 9 stig, 8 fráköst og 8 stoðsendingar og Salbjörg Ragna Sævarsdóttir var með 7 stig, 8 fráköst og 3 varin skot.