Keflavík semur við tvo lykilmenn
Keflvíkingar hafa samið við tvo af efnilegustu leikmönnum liðsins í Inkasso-deildinni í knattspyrnu, þá Adam Árna Róbertsson og Rúnar Þór Sigurgeirsson en þeir hafa leikið stórt hlutverk í liðinu í sumar.
Adam Árni hefur skorað 5 mörk í sjö leikjum í sumar og þá hefur Rúnar Þór gert 3 mörk í ellefu leikjum í sumar.
„Við erum afskaplega ánægðir með að hafa tryggt okkur þjónustu þessara stráka til næstu ára enda falla þeir frábærlega að þeirri hugmyndafræði sem þjálfarar og stjórn Keflavíkur vinna eftir. Að byggja á ungum efnilegum leikmönnum til framtíðar,“ segir á Facebook-síðu Keflavíkur.
Rúnar Þór verður áfram með Keflavík.
