Keflavík og Haukar mætast í 4. sinn í kvöld
Keflvíkingar freista þess að klára seríuna á heimavelli
4. leikur í rimmu Keflavíkur og Hauka fer fram í TM höllinni í kvöld. Staðan í einvíginu er 2-1 fyrir Keflavík eftir að Haukar forðuðu sér frá sópnum í síðasta leik með öruggum sigri í Hafnarfirði.
Keflvíkingar vilja án efa forðast að þurfa að fara aftur á útivöll til að klára seríuna og munu leggja mikið kapp við að ljúka ætlunarverki sínu í kvöld.
Stuðningsmenn Keflavíkur eru hvattir til að mæta snemma í kvöld og gæða sér á grilluðum hamborgurum fyrir leik og þjappa sér saman fyrir átök kvöldsins.
Leikurinn hefst á slaginu 19:15 í TM höllinni.
