Keflavík meistarar meistaranna
-Lögðu Skallagrím örugglega
Keflavík vann nokkuð öruggan sigur á Skallagrími 93-73 þegar liðin mættust í „Meistarar meistaranna“ í gærkvöldi. Keflavíkurstúlkur voru með yfirhöndina nánast allan leikinn og sagði Sverrir Þór Sverrisson, þjálfari Keflavíkur, í viðtali við karfan.is að hungrið væri enn til staðar og að liðið ætlaði sér alla þá titla sem í boði eru.
Stigahæstar hjá Keflavík voru þær Birna Valgerður Benónýsdóttir með 18 stig, Emelía Ósk Gunnarsdóttir með 18 stig og 4 fráköst, Brittanny Dinkins með 16 stig og 6 fráköst og Thelma Dís Ágústdóttir með 12 stig og 4 fráköst.
Keflavík hefur leik í Domino’s deild kvenna miðvikudaginn 4. október næstkomandi en þá mæta þær Snæfelli á Stykkishólmi.
