Keflavík mætir Njarðvík í æfingaleik á Njarðvíkurvelli síðdegis

Njarðvík og Keflavík leika æfingaleik á Njarðvíkurvelli í dag, mánudaginn 3. maí kl. 18:00. Verður þetta nokkurs konar lokaæfing fyrir Keflavík sem leikur fyrstu heimaleiki sína í sumar á vellinum í Njarðvík.

Nú er unnið að því að leggja nýtt gras á Keflavíkurvöllinn og er ekki búist við því að hann verði tilbúinn fyrr en í lok júní nk.

Keflavík leikur gegn Breiðabliki í fyrstu umferð Íslandsmótsins í knattspyrnu, Pepsí-deildinni, nk. þriðjudag og hefst leikurinn kl. 19:15