Keflavík mætir KR í bikarnum

Dregið var í 32 liða úrslit Borgunarbikars karla í hádeginu í dag þar sem að þrjú Suðurnesjalið voru í pottinum. Stærstu tíðindin eru þau að Keflvíkingar mæta bikarmeisturum KR en liðin léku einmitt til úrslita um bikarinn í fyrra þar sem að KR hafði 2-1 sigur. Keflavík fær því tækifæri til að hefna fyrir þann leik en leikið verður á Nettóvellinum þann 3. júní.

1. deildar lið Grindavíkur þarf að ferðast norður til Húsavíkur og leika gegn 3. deildar liði Völsungs en sá leikur fer fram þann 2. júní.

Þá fá Njarðvíkingar, sem leika í 3. deild, það erfiða verkefni að sækja Pepsí deildar lið Fylkis heim í Árbæinn þann 3. júní.

Drátturinn í heild sinni lítur svona út:

Stjarnan - Leiknir 
Þór - Víkingur Ólafsvík 
KA - Álftanes 
Vatnaliljur - Afturelding 
KV - Fram 
Þróttur R - BÍ/Bolungarvík 
Víkingur R - Höttur 
Fylkir - Njarðvík 
Léttir - ÍBV 
FH - HK 
Valur - Selfoss 
Keflavík - KR 
Fjarðabyggð - Kári 
Völsungur - Grindavík 
KFG - Breiðablik 
ÍA - Fjölnir