Keflavík í 4. sæti eftir sigur á Tindastól
- Anita Lind skoraði bæði mörk Keflavíkur
Keflavík sigraði Tindastól 2:1 í annarri deild kvenna á Nettóvellinum í kvöld. Eva Banton skoraði fyrsta markið fyrir Tindastól á 18. mínútu. Aðeins mínútu síðar jafnaði Aníta Lind Daníelsdóttir fyrir Keflavík.
Staðan var 1:1 í hálfleik og þannig var staðan þangað til á 87. mínútu þegar Aníta Lind var aftur á ferðinni og skoraði annað mark fyrir Keflavík. Mörkin urðu ekki fleiri og því var lokaniðurstaðan 2:1 fyrir Keflavík.
Keflavík er í 4. sæti deildarinnar með 14 stig. Næsti leikur Keflavíkur er útileikur á móti Sindra á sunnudaginn.
