Keflavík dæmdur 0-20 ósigur

Keflavík var í dag dæmdur ósigur í leik gegn Hamri/Selfossi sem fór fram fyirir skemmstu. Keflavík vann leikinn 88-77.

Niðurstaða aganefndar var sú að Keflvíkingar hefðu verið með ólöglegan leikmann, Guðjón Skúlason, á leikskýrslu og því skulu úrslitin ómerkt og teljast þeir hafa tapað leiknum 0-20. Engu breytti sú staðreynd að Guðjón kom ekki inn á völlinn.

Forsaga málsins er sú að leikurinn átti að fara fram þann 15. des, en var frestað sökum þátttöku Keflvíkinga í Evrópukeppni. Guðjón fékk leikheimild þann 29. des en heimildin nær ekki yfir þá leiki sem áttu að fara fram fyrir þann tíma.