Karfan sigraði fótboltann

Það var skemmtilegur leikur sem fram fór í íþróttahúsinu við Sunnubraut í gær en þá kepptu “fótboltinn“ og “karfan“ í körfubolta. Leikurinn var hörkuspennandi en svo fór að lokum að “karfan“ sigraði 99:97. Það var Gunnar Stefánsson sem tryggði körfunni sigur með þriggjastigakörfu þegar um 20 sekúndur voru eftir.
Þess má geta að fótboltinn byrjaði með 60 stig en það verður þó að teljast mjög gott hjá þeim að halda körfunni undir 100 stigum, þó svo þeir hafi spilað með sex leikmenn inná gegn fimm.