Karfan: Friðrik segir skilið við þjálfarastól í Njarðvík

Friðrik Ragnarsson hefur ákveðið að venda sínu kvæði í kross og ætlar að skilja við þjálfarastólinn í Njarðvík en hann segist ganga stoltur frá verkefninu því leikmenn liðsins hafi lagt sig alla fram. Friðrik stýrði því Njarðvíkingum í síðasta sinn í gær þegar Grindvíkingar sendu grænklædda í sumarfrí. Friðrik sagðist í samtali við Karfan.is nú ætla að draga sig í hlé og að hann vissi ekki hversu lengi það yrði.

Viðtal við Friðrik verður birt hér á vf.is á eftir.

Mynd: Einar Árni verður því líklega einn við stjórnvölin hjá Njarðvík en Friðrik ætlar í frí.