Jón Oddur og Sigurbjörg best!

Jón Oddur Sigurðsson var valinn besti sundmaður UMFN og Sigurbjörg Gunnarsdóttir var valin sundkona ársins á uppskeruhátíð sunddeildar UMFN sem fram fór sl. föstudag í íþróttahúsinu í Njarðvík.

Mynd: Örn Arnarson sundkappi mætti á svæðið og gaf eiginhandaráritanirHeilmikið fjör var á hátíðinni. Veittar voru viðurkenningar fyrir veturinn í öllum flokkum og farið var í leiki. Örn Arnarson sundkappinn landskunni, mætti á svæðið og afhenti viðurkenningarnar, ásamt því að draga í happadrætti og gefa eiginhandaráritanir. Í lok hátíðarinnar var svo heljarmikil pizzuveisla.
Sundmaður ársins og jafnframt besti sundmaður deildarinnar í ár var Jón Oddur Sigurðsson, sundkona ársins var valin Sigurbjörg Gunnarsdóttir. Efnilegust voru þau Erla Dögg Haraldsdóttir og Jóhann Árnason. Verðlaun fyrir bestu ástundun hlutu eftirtaldir: Hilmar Pétur Sigurðsson, Sigurbjörg Gunnarsdóttir, Margrét Jóhanna Guðjónsdóttir, Margrét Scheving Gunnarsdóttir og Saga Roman. Verðlaun fyrir mestu framfarir hlutu svo Ágúst Sæmundsson, Una María Unnarsdóttir og Birta Ósk Theodórsdóttir.

Mynd: Þeir sem fengum viðurkenningar fyrir góðan árangur.