Jón Axel í Grindavíkurbúninginn
Stórtíðindi í íslenskum körfuboltaheimi urðu í dag þegar landsliðsmaðurinn Jón Axel Guðmundsson skrifaði undir eins árs samning við uppeldisfélagið sitt UMFG en hann hefur verið atvinnumaður síðustu ár.
Víkurfréttir tóku viðtal við hann fyrir stuttu og þá kom í ljós að hann beið tilboða að utan en þar sem ekkert nógu bitastætt barst þá ákvað hann að skella sér í gulu Grindavíkurtreyjuna - þó með þeim fyrirvara að ef heillandi tilboð berst að utan að þá mun UMFG ekki standi í vegi hans.
Jón Axel fær aldeilis eldskírn í sínum fyrsta leik á fimmtudagskvöld en Grindvíkingar heimsækja þá granna sína í Keflavík.
