Jóhanna Júlía fer á Evrópumeistaramót unglinga í sundi

Fjórir sundmenn sem allir eru búnir að vera í æfingabúðum í Bath á Englandi eru nú á leið til Antwerpen í Belgíu þar sem þeir taka þátt í Evrópumeistaramóti unglinga.

Mótið hefst miðvikudaginn 4. júlí og stendur til sunnudagsins 8. júlí.

Sundmennirnir eru Kolbeinn Hrafnkelsson úr Sundfélagi Hafnarfjarðar, Jóhanna Júlía Júlíusdóttir úr ÍRB, Rebekka Jaferian og Paulina Lazorikova sem báðar koma úr Sundfélaginu Ægi.

Kolbeinn mun taka þátt í 50,100, og 200 metra baksundi. Jóhanna Júlía og Paulina keppa í 200 metra flugsundi og Rebekka mun synda 800 metra skriðsund. Sundmennirnir hefja öll keppni á miðvikudaginn.