Jóhann Þórhalls til Grindavíkur

Knattspyrnuliði Grindvíkur berst í dag góður liðsauki þegar framherjinn Jóhann Þórhallsson skrifar undir tveggja ára samning við liðið.

Fótbolti.net sagði frá þessu fyrr í dag, en Jóhann var einn eftirsóttasti íslenski leikmaðurinn á markaðnum þetta haustið. Samningar verða undirritaðir í félagshúsi Grindavíkur sídegis í dag.

Jóhann, sem hefur leikið með KA undanfarin ár er einn skæðasti sóknarmaður landsins og á eflaust eftir að styrkja Grindvíkinga umtalsvert með markheppni sinni, en hann gerði 11 mörk í 16 leikjum með KA í 1. deildinni í sumar.

fotbolti.net