Jóhann með tvö silfur í Írlandi

Borðtenniskappinn Jóhann Rúnar Kristjánsson frá Keflavík náði frábærum árangri á móti sem lauk fyrr í dag í Írlandi.

Hann lenti í öðru sæti í tvíliðaleik í gær þar sem hann keppti með Rússanum Sergei Podubbniy. Þeir mættu sterkum spilurum frá Austurríki í spennandi úrslitaviðureign sem lauk 3-2.

Þeir félagar mættust svo í úrslitum í einliðaleik í dag þar sem Rússinn hafði betur.

Þetta er sannarlega glæsilegur árangur hjá Jóhanni sem stefnir hraðbyri á sæti á Ólympíumóti fatlaðra í Peking á næsta ári.

 

Mynd úr safni: Jóhann í leik á ÓL í Aþenu árið 2004.