Jafnteflissumarið 2017 hafið af krafti
Jafntefli varð niðurstaðan úr viðureign Keflavíkur og Selfoss í 1. deild karla í knattspyrnu, Inkassodeildinni, í kvöld en leikið var á Nettóvellinum í Keflavík. Fyrri hálfleikur var markalaus en fjögur mörk voru skoruð í Þeim síðari, Selfoss var alltaf fyrri til að skora og Keflvíkingar jöfnuðu.
Selfyssingurinn Ingi Rafn Ingibergsson skoraði á 50. mínútu en Keflvíkingar jöfnuðu tveimur mínútum síðar með marki Juraj Grizelj.
James Mack kom Selfissi yfir á 63. mínútu en jafntefliskóngarnir jöfnuðu með marki Hólmars Arnar Rúnarssonar þremur mínútum síðar.
Síðari hálfleikur var mun fjörugri en sá fyrri og Keflvíkingar voru þó nærri því að bæta við þriðja markinu á fjörugum lokamínútum. Það tókst ekki og jafntefli niðurstaðan.
