Jafntefli í Evrópuleik Grindvíkinga
Grindvíkingar gerðu jafntefli 1:1 við Austurríska liðið Karnten í Grindavík í kvöld og eru þar með fallnir úr UEFA-bikarnum. 1:0 sigur hefði nægt Grindavík til að komast áfram í keppninni, en austuríska liðið skoraði jöfnunarmarkið þegar tvær mínútur voru komnar yfir venjulegan leiktíma. Á 60. mínútu var Mario Hieblinger úr liði Karnten rekinn af leikvelli og voru Grindvíkingar því einum manni fleiri. Ray Anthony Jónsson skoraði glæsilegt mark beint úr aukaspyrnu á 74. mínútu leiksins.
