Jafntefli hjá Keflavík, Grindavík tapar

Keflvíkingar knúðu fram jafntefli í deildarbikarleik gegn KA í gær, 3-3, en Grindvíkingar voru ekki eins heppnir þar sem þeir máttu játa sig sigraða gegn Valsmönnum, 1-0.

KA-menn náðu þriggja marka forskoti gegn Keflavík í fyrri hálfleik þar sem Jóhann Þórhallsson, Hreinn Hringsson og Pálmi Rafn Pálmason skoruðu mörkin. Keflvíkingar voru hins vegar ekki af baki dottnir og unnu muninn upp með mikilli seiglu. Hörður Sveinsson skoraði eitt mark og Ingvi Rafn Guðmundsson tvö.