Íslandsmótið í golfi hafið

Íslandsmótið í golfi hófst í morgun á Jaðarsvelli á Akureyri. Fimm þátttakendur frá golfklúbbunum á Suðurnesjum taka þátt í ár og koma þeir allir frá Golfklúbbi Suðurnesja.

Keppt er um Íslandsmeistaratitilinn í karlaflokki í 80. sinn í ár og 55. skipti í kvennaflokki en allir þátttakendur GS eru í karlaflokki. Þeir eru Logi Sigurðsson, Guðmundur Rúnar Hallgrímsson, Pétur Þór Jaidee, Róbert Smári Jónsson og Rúnar Óli Einarsson.

Íslandsmótinu lýkur sunnudaginn 8. ágúst og á meðan mótið fer fram er hægt að fylgjast með stöðu keppenda á vef Golfsambands Íslands.