Íslandsmeistarar í kjúklingatínslu

Ríkjandi Íslandsmeistarar í körfuknattleik undirbúa sig þessa dagana fyrir komandi tímabil. Liður í undirbúningnum er æfingarferð til Spánar á næstu dögum. Til að fjármagna ferðina hafa leikmenn m.a. staðið fyrir körfuboltaskóla fyrir yngri iðkendur í Grindavík. Einnig mættu þeir í kjúklingatínslu í kjúklingabúið hjá Svani og Matthildi þar sem þessar myndir voru teknar.

Leikmennirnir settu kjúklinga í kassa sem voru svo sendir í sláturhús.

Ekki var hlaupið að því að finna galla á alla leikmennina því margir þeirra eru í yfirstærð!