ÍRB með yfir 100 verðlaun á Ármannsmóti
Sundmenn ÍRB sýndu styrk sinn á Ármannsmótinu um liðna helgi. ÍRB krakkarnir unnu yfir hundað verðlaun á mótinu þar sem árangurinn lét ekki á sér standa á neinu aldurstigi. Krakkarnir frá Reykjanesbæ voru með fjölmennasta liðið og sundmenn syntu afar vel á mótinu.
Karen Mist Arngeirsdóttir hélt áfram að slá met og bætti sitt eigið Íslandsmet í telpnaflokki í 50 m bringusundi, þegar hún bætti tíma sinn um sekúndu frá því í júní en hún synti á 33,54 sek. Elstu sundmennirnir tókust á við þá áskorun að synda allar 13 greinar (fyrir utan 800 skrið) á þremur dögum og voru flestir að bæta tíma sína.
