ÍRB í öðru sæti á AMÍ 2010

Lið ÍRB hafnaði í öðru sæti á Aldursflokkameistarmóti Íslands, en mótið fór fram í Ásvallalaug í Hafnarfirði um helgina. Alls vann liðið 17 einstaklingstitla og 6  titla í boðsundum. Í lok móts voru verðlaunaðir þeir sundmenn sem bestum árangri náðu í hverjum aldursflokki og þar  bar Ólöf Edda Eðvarðsdóttir sigur úr býtum í flokki telpna 13 - 14 ára, en hún sigraði jafnframt í þremur greinum á mótinu.

Flesta Íslandsmeistaratitla einstaklinga hjá ÍRB vann Jóhanna Júlía Júlíusdóttir en hún vann alls fimm greinar. Lið ÍRB var jafnframt valið prúðasta liðið á mótinu og hlaut að launum stærðar nammiskál sem féll í góðan jarðveg hjá þreyttum sundmönnum.

Í heildina var mótið afar jákvætt fyrir ÍRB,  nánast  allir bættu sína  bestu tíma verulega  og stemmningin, metnaðurinn og gleðin til fyrirmyndar, að sögn forsvarsmanna hópsins.

Fimm innanfélagsmet féllu á mótinu, en þar voru að verki, Íris Dögg Ingvadóttir í 100m baksundi í telpnaflokki, Jóhanna Júlía Júlíusdóttir í 100m og 200m baksundi í telpnaflokki og Sveinn Ólafur Lúðvíksson í 100m og 400m skriðsundi í drengjaflokki.                      

Telpnasveit ÍRB setti nýtt íslandsmet telpna í 4 x 100m fjórsundi, en sveitina skipuðu þær: Íris Dögg Ingvadóttir, Ólöf Edda Eðvarðsdóttir, Jóhanna Júlía Júlíusdóttir og Hólmfríður Rún Guðmundsdóttir.                                                        

Þeir sem unnu til Íslandsmeistaratitla voru:                                                                                         

Jóhanna Júlía Júlíusdóttir: 100m flugsund, 200m flugsund, 100m baksund, 200m baksund og 200m fjórsund.                        

Ólöf Edda Eðvarðsdóttir: 100m bringusund, 200m bringusund og 400m fjórsund.                                                     

Birta María Falsdóttir: 100m flugsund, 200m flugsund og 400m fjórsund.                                                                

Lilja Ingimarsdóttir: 100m bringusund og 200m bringusund.                                                                                 

Soffía Klemenzdóttir: 200m baksund og 200m flugsund.                                                                                    

Einar Þór Ívarsson: 1500m skriðsund.                                                                                                

Íris Ósk Hilmarsdóttir: 100m baksund.                                                                                                 

4 x 100 fjórsund telpna: Íris Dögg Ingvadóttir, Ólöf Edda Eðvarðsdóttir, Jóhanna Júlía Júlíusdóttir og Hólmfríður Rún Guðmundsdóttir.

4 x 100 mskriðsund telpna: Hólmfríður Rún Guðmundsdóttir, Íris Dögg Ingvadóttir, Ólöf Edda Eðvarðsdóttir og Jóhanna Júlía Júlíusdóttir.

4 x 50 mskriðsund telpna: Hólmfríður Rún Guðmundsdóttir, Íris Dögg Ingvadóttir, Ólöf Edda Eðvarðsdóttir og Jóhanna Júlía Júlíusdóttir.

4 x 100m skrið drengja: Sveinn Ólafur Lúðvíksson, Stefán,Örn Ólafsson, Þröstur Bjarnason og Einar Þór Ívarsson.   

4 x 50m skrið drengja: Sveinn Ólafur Lúðvíksson, Stefán,Örn Ólafsson, Þröstur Bjarnason og Einar Þór Ívarsson.   

4 x 100m fjórsund drengja: Einar Þór Ívarsson, Stefán Örn Ólafsson, Baldvin Sigmarsson og Sveinn Ólafur Lúðvíksson.   


Efri mynd: Telpnasveit ÍRB á Lokahófi SSÍ, frá vinstri: Hólmfríður Rún, Jóhanna Júlía, Ólöf Edda og Íris Dögg.        

Neðri mynd: Fyrirliðar ÍRB á AMÍ 2010 á Lokahófi SSÍ með silfurverðlaunin, frá vinstri: Diljá Heimisdóttir og Jóna Helena Bjarnadóttir.