Innanfélagsmót NES í sundi

Innanfélagsmót NES í sundi var haldið miðvikudaginn 9. maí sl. Keppt var í þremur flokkum; yngri-þversum, eldri-þversum og langsum. Í yngri flokki þversum; flokki hreyfihamlaðra urðu Ástvaldur R. Bjarnason og Friðrik Guðmundsson hlutskarpastir og jafnir og fengu gullið.
Í flokki þroskaskertra drengja fékk Guðmundur Margeirsson gullið, Valur Freyr
Ástuson silfrið og Ásgeir Sígríðarson bronsið. Í eldri flokki þversum; hreyfihamlaðra varð Berglind Daníelsdóttir hlutskörpust og fékk gullið. Í flokki þroskaskertra stúlkna fékk Guðrún Dís Hreinsdóttir gullið, Helga Sigga silfrið og Guðný Óskarsdóttir brons. Í flokki þroskaskertra drengja
fékk Jósef Daníelsson gullið, Marinó Bjarnason silfrið og Arnar Ingi Halldórsson bronsið. Í langsum hópnum stúlkur fékk Sigríður Ásgeirsdóttir gullið, Bryndís Brynjólfsdóttir silfrið og Lára Ingimundardóttir bronsið. Hjá drengjunum fékk Arnar Már Ingibjörnsson gullið, Vilhjálmur Jónsson silfrið og Davíð Már Guðmundsson bronsið.
Mótið gekk mjög vel fyrir sig að sögn mótshaldara og mikill fjöldi aðstandenda var á áhorfendapöllunum eins og ávallt á slíkum mótum. Nemendur úr Fjölbrautaskóla Suðurnesja sáu um dómgæslu á mótinu.