„I DO NOT like REM“ - Eysteinn á kínversku þorrablóti

Eins og fólk hefur væntanlega tekið eftir höfum við verið að birta hér á síðunni pistla frá Eysteini Haukssyni knattspyrnukappa. Hann er staddur í Kína og báðum við hann að senda okkur pistla sem við birtum svo hér enda er drengurinn frábær penni og erum við honum mjög þakklát fyrir þessar sögur sem vakið hafa mikla athygli. Hér fyrir neðan segir Eysteinn frá matarboði sem hann og Vilhjálmur fóru í.
Maturinn smakkast mjog vel enda kínverjar frægir fyrir sína matargerð en við höfðum svolitlar ahyggjur af hreinlæti og slíku en þetta virðist allt vera í þokkalegu standi. Að vísu vorum við að koma úr hálf-framandi matarboði akkúrat núna,með starfsliði félagsins og eiganda. Aðstoðarmaðurinn sem er med okkur spurði mig i bílnum a leiðinni þangað, HAU-son!! You like REM!????!!!! Eg svaraði að sjalfsögðu játandi,enda einn mesti núlifandi aðdáandi þessarar ágætu hljómsveitar. Þegar vid komum hins vegar inn á matsölustaðinn komst ég að því ad hann var að tala um matinn (RAM = Hrutur) og er ég nú búinn ad komast að því að I DO NOT like REM.
Þetta var andskoti skrautleg veisla. Þarna sátu 13 manns við hringborð í gríðarstorum sal sem var fullur af fólki. Þetta var allt í rólegheitunum aður en maturinn var borinn fram en síðan var allt í einu komið með tvo gríðarstóra potta og skellt á mitt borði og þá tóku menn upp prjónana og upphófst þá griðarlegur gusugangur,allt varð hreinlega brjálað og engu líkara en þarna stæði keppni um það hver sullaði mestu á dúkinn og aukaverðlaun veitt fyrir hver smjattaði mest og frussaði mestu af næringarefnum yfir sessunautana. Heima á Islandi (Beng-do = Klaka-eyja) hef ég nú oft verið nefndur Gamurinn vegna gleypingarhæfileika en það viðurnefni getur varla átt við lengur, þar sem ég var gjörsamlega buinn að fá nóg þegar sjöunda réttinum af fjórtán var hellt ofan í risastóra pottana!!!
Annars var þetta nú hálfgert þorrablót hjá þeim, réttirnir samanstóðu ad mestu leyti af einhverjum hrútaafgöngum og var ég nú ekkert yfir mig hrifinn af þessu. Ef manni likar ekki maturinn hérna er eins gott ad vera ekkert að borda of mikið af honum því þjónustufólkid notar hvert einasta tækifæri til ad stútfylla glösin og diskana upp a nýtt um leið og er farið ad sjást í þau undir risastórum skömmtunum. Mér gekk vægast sagt skelfilega að borða med helv... prjónunum í upphafi en þetta var nú allt saman í áttina í restina.