Hrund fór á kostum í grannaslagnum
Grindvíkingar lögðu Njarðvík á heimavelli
Í 1. deild kvenna í körfuboltanum höfðu Grindvíkingar sigur gegn grönnum sínum úr Njarðvík í fyrstu umferð vetrarins. Sigurinn var nokkuð þægilegur, lokatölur 79-66 í Röstinni í Grindavík en mest náðu Grindvíkingar 19 stiga forskoti. Hrund Skúladóttir fór á kostum hjá Grindvíkingum, skoraði 30 stig með 50% skotnýtingu, auk þess tók hún 14 fráköst og stal sex boltum.
Hin 18 ára gamla Hrund lék einmitt með Njarðvík í fyrra en er nú aftur komin með hvelli á heimaslóðir í Grindavík.
Hjá Njarðvík voru þær Jóhanna Lilja Pálsdóttir og Vilborg Jónsdóttir atkvæðamestar.
