Hrannar Hólm spáir í úrslitakeppnina: Njarðvík og Keflavík áfram TINDASTÓLL áfram - KR heim
Heyrst hefur að hinn hávaxni Baldur Ólafsson komi til liðs við Vesturbæinga fyrir úrslitakeppnina og getur hann án efa styrkt sóknaleik liðsins sem hrundi við brottfall Johnathans Bow fyrr í vetur. Engu að síður eru Sauðkrækingar sigurstranglegri, sér í lagi þar sem þeir hefja leik á heimavelli (í fyrsta sinn, held ég). Þeir eru núverandi Eggjabikarmeistarar og hafa ekki leikið betur síðan Pétur Guðmundsson var í fullu fjöri um árið. Suðurnesjamennirnir Kristinn Friðriks og Valur Ingimundar veita liðinu reynslu og sjálfstraust, og Shawn Myers er tvímælalaust einn besti Bandaríkjamaðurinn á landinu um þessar mundir. Fyrsti leikurinn verður lykilatriði, ég reikna með að Stólarnir vinni hann og klári einvígið síðan á heimavelli, sem sagt 2-1.
