Hrannar hættir á toppnum

Kvennalið SISU sem Keflvíkingurinn Hrannar Hólm þjálfar, eru danskur meistari og bikarmeistari þetta tímabilið. Ekki nóg með það heldur fór lið Hrannars taplaust í gegnum tímabilið. Samtals 33 sigurleikir að baki takk fyrir. Er það í fyrsta sinn í kvennadeild Danmerkur að lið fer taplaust í gegnum deildarkeppni.

Lið Hrannars hefur undanfarin þrjú ár unnuið bæði deild og bikar en Hrannar hyggst nú hætta þjálfun og snúa sér að öðrum störfum innan körfuboltasambands Dana.