Hörður Sveinsson í Sandgerði

Hörður Sveinsson hefur samið við Reyni Sandgerði og mun leika með knattspyrnuliðinu það sem eftir er af sumri. Reynir hefur unnið alla níu leiki sína í sumar í B-riðli 4. deildarinnar.

Hörður er sóknarmaður en hann kemur í Sangerði frá Keflavík en þjálfari Reynis er fyrrum liðsfélagi Harðar, Haraldur Guðmundsson.

Hörður er 35 ára gamall en hann hefur verið að glíma við meiðsli en í fyrra lék hann aðeins fjóra leiki með Keflavík í Inkasso-deildinni. Hann hefur skorað 84 mörk í 261 meistaraflokksleik og hann hefur einnig leikið með Silkeborg í Danmörku og Tromsö í Noregi.