Hópur frá Danskompaníi vann gull á heimsmeistaramótinu
Danshópur frá Danskompaníi í Reykjanesbæ vann gullverðlaun á heimsmeistaramótinu í dansi fyrr í dag en mótið er haldið á Spáni. „Við erum að rifna úr stolti. Þetta er ruglaður árangur,“ segir á Facebook síðu Danskompanís.
Hópurinn keppti í flokki Children Small Group Song & Dance. Atriðið heitir „Yfir Vestfirðina“.
Dansararnir í hópnum eru:
Aðalbjörg Ósk, Andrea Ísold, Bryndís Björk, Emma Rún, Freyja Marý, Heiðrún Lind, Katla Dröfn, Rebekka Dagbjört, Sonja Rós og Valgerður Pálína
Danshöfundur er Keflvíkingurinn Elma Rún Kristinsdóttir.
Alls keppa 24 atriði frá Danskompaníi á mótinu.
