Hópferð á Evrópuleikinn
Farin verður hópferð á leik Keflavíkur og Norður írska liðsins Dungannon Swifts FC í Inter Toto keppninni í knattspyrnu en leikurinn fer fram þann 24. júní n.k. og flogið er til Belfast frá Reykjavíkurflugvelli að morgni föstudagsins 23. júní.
Gist verður á Hotel Seagoe í nágrenni við Dungannon en það tekur um 40 mínútur að aka til Belfast frá hótelinu. Innifalið í hópferðinni er flugið, gisting í 2ja manna herbergjum, rúta og miði á leikinn fyrir kr. 23.000, nú þegar hafa 12 manns bókað sæti í ferðina. Þeir sem hafa áhuga á því að fara í ferðina eru beðnir að hafa samband við Ásmund sem fyrst í síma 421-5188.
