Hópbílabikar karla hefst í kvöld

Keppni í Hópbílabikar karla hefst í kvöld með tveimur leikjum. Grindvíkingar mæta Haukum að Ásvöllum í Hafnarfirði. Hópbílameistarar síðasta árs, Snæfell, mæta Valsmönnum í Kennaraháskólanum.

Leikur Hauka og Grindvíkinga hefst kl. 21:00 í kvöld að Ásvöllum en Grindvíkingar unnu sannfærandi sigur á Haukum í fyrstu umferð Iceland Express deildarinnar, 103-73, þar sem Hjörtur Harðarson gerði 25 stig.

VF-mynd/ Þorgils Jónsson: Hjörtur í leiknum gegn Haukum